ხუთკუნჭულა

"ხუთკუნჭულა" ძველი ქართული ზღაპრის სცენური ვერსიაა, რომელშიც ავტორებმა დიმიტრი ხვთისიაშვილმა და ნინო ხურცილავამ გამოიყენეს სხვა ქართული ზღაპრების ეპიზოდებიც. იგი მოგვითხრობს ერთ უბრალო, მაგრამ მეტად მოხერხებული ბიჭის ხუთკუნჭულას თავგადასავალზე, რომელიც მას გადახდა იმ დროს, როდესაც ცდილობდა დაესაჯა ბოროტება. ამ ბრძოლაში მან თავისი ბუნებრივი სიკეთისა და გონებამახვილობის წყალობით არა მხოლოდ გამარჯვებას მიაღწია, არამედ სიყვარულიც იპოვა. ხუთკუნჭულა არის სახალხო თეატრის ტიპიური წარმომადგენელი. ამიტომაც რეჟისორმა სახალხო თეატრის თამაშის ხერხს მიმართა სპექტაკლის დადგმისას.